FB noscript image tracker
ՍՈՒՐԲ ՄԱՐԻԱՄ ԲԺՇԿԱԿԱՆ ԿԵՆՏՐՈՆ

Ինչպե՞ս համատեղել առողջությունն ու հանգիստը

Ինչպե՞ս համատեղել առողջությունն ու հանգիստը
14/04/2018

Հայաստանի գեղատեսիլ վայրերի և դրախտային բնության մասին շատերը գիտեն, այդ թվում՝ մեր օտարերկրացի ընկերները:

Հայաստանում կան այնպիսի վայրեր, որոնք կարող են խելքահան անել շատերին ոչ միայն իրենց գեղեցկությամբ, այլև առողջարար ու մաքուր օդով, քաղցրահամ ջրով և հարմարավետ պայմաններով: Շատերը նաև տեղյակ են, թե բժշկական ծառայությունները որքան մատչելի են Հայաստանում: Գալով այստեղ՝ Դուք ոչ միայն կունենաք հաճելի և տպավորիչ հանգիստ, այլև կձերբազատվեք տարբեր հիվանդություններից՝ որակյալ ու մատչելի եղանակով: Դե ինչ, եկեք պարզենք, թե որտեղ ենք անցկացնելու հաջորդ արձակուրդը՝ համատեղելով առողջության բարելավման հետ:

Դիլիջանի ազգային պարկ

Դիլիջանի ազգային պարկ

Տավուշի մարզում գտնվող այս գողտրիկ վայրը հիանալի ընտրություն է մաքուր օդ շնչելու և առօրյա հոգսերը մոռանալու համար: Կանաչապատ բնություն, պատմական հուշարձաններ, հարուստ բուսական ու կենդանական աշխարհ՝ առողջապահական և ռեկրեացիոն բարձր արժեքներով: Էլ ի՞նչ է պետք անմոռանալի հանգստի համար:

Սևանա լիճ

Սևանա լիճ

Սևանա լիճը բնության իրական պարգև ու առողջարան է, որտեղ գնալով զարգանում է ամառային տուրիզմը, սակայն այն ունի նաև ձմեռային տուրիզմի զարգացման հեռանկարներ: Այն իրենից ներկայացնում է պատմական արժեք՝ 1240կմ2 մակերեսով և 1900մ բարձրությամբ: Ըստ մի շարք պեղումների՝ 3500 տարի առաջ այստեղ ցամաք է եղել և մարդիկ զբաղվել են երկրագործությամբ ու անասնապահությամբ:

Էջմիածնի մայր տաճար

Էջմիածնի մայր տաճար

Էջմիածնի մայր տաճարը, կարելի է ասել, քրիստոնեության խորհրդանիշներից մեկն է: Հայաստանն առաջին քրիստոնյա երկիրն է, իսկ այս տաճարը կառուցվել է Հայաստանում քրիստոնեության պետական կրոն հռչակվելուց հետո՝ 303թ.-ին: Տաճարի ներսում գործում է թանգարան, որտեղ պահվում են հին ձեռագրեր, մատյաններ, գորգեր և այլ արժեքավոր նյութեր: Այնպես որ, քրիստոնեության հիմնադրման ողջ պատմությունն ամփոփված է հենց այստեղ:

Տաթևեր ճոպանուղի

Տաթևեր ճոպանուղի

Էքստրիմի սիրահարներին կարող ենք առաջարկել Տաթևեր ճոպանուղին, որը գտնվում է Սյունիքի մարզի Տաթև գյուղում: Այն ամենաերկարն է աշխարհում ՝ 5752 մ, և գրանցված է Գինեսի ռեկորդների գրքում: Ճոպանուղին տանում է դեպի Տաթևի վանական համալիր, որը կառուցվել է 906թ.-ին:

Երևան

Երևան

Երևանի տեսարժան վայրերի մասին խոսելու համար ամիսներ կպահանջվեն, բայց, իհարկե, չէինք կարող չանդրադառնալ Հայաստանի մայրաքաղաքի գեղեցկությանը:

Երևանի պատմության թանգարան

Մ.թ.ա 782թ. հիմնադրված Երևանում են գտնվում Պատմության թանգարանը, Պետական պատկերասրահը, Մատենադարանը և այլն որոնք ներկայացնում են հայկական պատմությունը, գրականությունն ու նկարչությունը։

Մատենադարան

Հանրապետության հրապարակը՝ իր երգող շատրվաններով, հանդիսանում է աշխարհի 10 լավագույն հրապարակներից մեկը:

Հանրապետության հրապարակ

Երևանի սրտում գտնվող Կասկադը հնարավորություն է տալիս բարձունքից դիտել ողջ քաղաքը և հիանալ Արարատ լեռան անմոռանալի տեսարանով:

Կասկադ

Մոտակայքում են գտնվում հայտի քանդակագործներ Լինն Չադվիկի և Ֆերնանդո Բոտերոյի աշխատանքները, ինչպես նաև Գաֆեսճյան թանգարան-հիմնադրամը:
Բոլորս էլ գիտենք, որ բնության բարիքները՝ մաքուր ու առողջարար ջուրը և օդը կարևոր են մարդու առողջության համար, սակայն եթե ունենք որևէ առողջական խնդիր, ապա պետք է փնտրել համապատասխան բժշկական լուծում: Այցելելով Հայաստան՝ պետք է հիշել, որ այստեղ կան նաև մատչելի բժշկական ծառայություններ և չի կարելի բաց թողնել դրանցից օգտվելու առիթը: Մենք կօգնենք Ձեզ ընտրել համապատասխան բժշկական հաստատությունը, ինչպես նաև հյուրանոցը, որտեղ Դուք կվայելեք Ձեր հանգիստը։
Որպես հարմարավետ հյուրանոց՝ մենք խորհուրդ ենք տալիս «Արարատ Ռեզորտ»-ը, որը գտնվում է Ծաղկաձորում։ Վերջինս նույնպես հայտնի է իր հրաշալի բնությամբ եւ գեղատեսիլ վայրերով:

Արարատ Ռեզորտ

Սուրբ Մարիամ Բժշկական Կենտրան

Սուրբ Մարիամ Բժշկական Կենտրոն

Ինչ վերաբերում է բժշկական հաստատությանը, ապա Սուրբ Մարիամ բժշկական կենտրոնը մատուցում է բազմատեսակ մատչելի և որակյալ բժշկական ծառայություններ՝

  1. Մաշկա-վեներոլոգիական ստացիոնար բաժանմունք (պսորիազի, սեբոռեայի, էկզեմայի, ատոպիկ դերմատիտի, սնկային հիվանդությունների բուժում)
  2. Ստոմատոլոգիական (թերապևտիկ, վիրաբուժական, օրթոպեդիկ, օրթոդոնտիկ, իմպլանտոլոգիա)
  3. Ախտորոշիչ լաբորատորիա (մանրէաբանական, բիոքիմիական, սեռոլոգիական, կլինիկական, իմունաֆերմենտային, պարազիտոլոգիական)
  4. Ուրոլոգիական
  5. Թերապևտիկ
  6. Սրտաբանական
  7. Գինեկոլոգիա
  8. Էնդոկրինոլոգիական
  9. Սոնոգրաֆիա
Բժշկական սարքավորում

Սուրբ Մարիամ բժշկական կենտրոնի հոգատար անձնակազմը կօգնի Ձեզ ազատվել ատամնացավից, ունենալ գեղեցիկ և փայլուն ատամնաշար, կբուժի անբուժելի թվացող այնպիսի հիվանդություն, ինչպիսին պսորիազն է: Եվ այս ամենն անհամեմատ մատչելի գներով և բարձր որակով: Այստեղ վաղուց անհանգստացնող խնդիրներն անցյալում կմնան և կյանքը կշարունակվի նոր գույներով:

Ստոմատոլոգիական սարքավորում

Դե ինչ, մի մոռացեք հոգ տանել Ձեր առողջության մասին անգամ հանգստանալիս, իսկ համատեղելը թերևս կլինի ամենաճիշտ ընտրությունը: Իմացեք ավելին՝ սեղմելով այստեղ: